Seguen aumentando lixeiramente os casos activos e os contaxios diarios
Fai dous anos dos primeiros casos de coronavirus en Galicia
Baixa a ocupación hospitalaria en planta (-6), pero aumenta nas UCI (+1)
O Sergas notificou catro decesos por mor da covid–19
Hoxe cúmprense dous anos do primeiro caso de coronavirus en Galicia e os casos activos seguen subindo lixeiramente por segunda xornada consecutiva (+ 568). En total, hai 16.933 persoas con coronavirus.
Pola súa parte, os contaxios diarios aumentan con respecto a onte e rexístranse 1.794 nas últimas 24 horas.
A repartición de casos novos detectados por probas diagnósticas nas distintas áreas sanitarias é a seguinte:
Repartición dos casos activos por áreas sanitarias:
A Coruña: 3.246 (+36)
Vigo: 3.343 (+53)
Ourense: 2.057 (+122)
Santiago: 3.096 (+146)
Lugo: 2.131 (+90)
Pontevedra: 2.023 (+128)
Ferrol: 950 (-2)
En canto á ocupación hospitalaria, esta baixa en planta (-6), pero aumenta nas UCI (+1). En total, hai 391 e 29 persoas ingresadas respectivamente.
Con todo, o Sergas notificou catro decesos por mor da covid–19, que alzan a cifra a 3.118 falecementos desde o inicio da pandemia.
Mapas de incidencia por concellos
