Fanse dous anos dos primeiros casos de coronavirus en Galicia

Neste 4 de marzo, fai xusto dous anos, nos hospitais de Vigo e da Coruña, dous pacientes recibían un diagnóstico que non esquecerán nunca... tiñan covid–19.

Foron os primeiros casos en Galicia. Dous anos despois, as cousas cambiaron, pero eles nunca esquecerán este día. 

Daniel, un veciño de Moaña, foi o primeiro caso diagnosticado no hospital Álvaro Cunqueiro de Vigo. Permaneceu 19 días na UCI e estivo ingresado un mes. Agora atópase en perfecto estado.