Galicia prohibirá a partir do sete de marzo o consumo e a venda de bebidas estimulantes a menores de 18 anos

Galicia é a primeira comunidade que vai prohibir a venda e o consumo de bebidas estimulantes aos menores de idade, equiparándoas ao alcol e ao tabaco.

A norma entrará en vigor o sete de marzo. Os efectos adversos destas bebidas están documentados. Poden provocar insomnio, ansiedade ou depresión se se consumen habitualmente. Os especialistas alertan de que o hábito empeza cada vez antes, entre os nove e os dez anos.