Galicia e Portugal participan no proxecto Innov4life para buscar solucións dixitais no ámbito das demencias

Esta mañá presentouse no hospital Álvaro Cunqueiro o proxecto Innov4life, a primeira rede transfronteiriza especializada en saúde dixital. Está dotado cun millón e medio de euros e terá unha duración de tres anos. O conselleiro de Sanidade en funcións explicou que o primeiro obxectivo do proxecto é buscar "solucións dixitais centradas inicialmente no ámbito das demencias e a dexeneración cognitiva. De todo o abano de posibilidades que tiñamos, hai que concretar e concéntranse nestas dúas patoloxías importantes para nós e Portugal, e sobre todo para as nosas familias e os sanitarios".