Galicia Calidade certificará os produtos de porco celta galego

Galicia Calidade certificará os produtos de porco celta galego tras un acordo asinado entre a Consellería de Economía e a Asociación de Criadores desta raza autóctona. Asoporcel reúne na actualidade 140 ganderías de toda Galicia e 214 produtores e comercializadores de porco celta. 

"Non temos ningunha dúbida de que o selo Galicia Calidade é unha garantía de éxito no mercado. Polo tanto, estamos moi contentos de sumarnos", dixo o presidente de Asoporcel.

O director xeral de Comercio e Consumo asegurou que Galicia Calidade quere "Ser unha ferramenta útil para os vosos produtos, que poñan en valor a calidade que temos en Galicia. Darvos os parabéns e a seguir traballando por mellorar ese selo".