Galaxia presenta 'O lanzador de coitelos', a obra gañadora do Premio de Novela do 75 aniversario
É un thriller do escritor e dramaturgo Fernando Castro Paredes
A historia reflexiona sobre a memoria, a identidade e o control social nunha sociedade opresiva
Os que desfruten coa lectura neste tempo de vacacións xa teñen dispoñible a obra galardoada co último Premio Galaxia.
Coincidindo cos seus 75 anos, a editorial presenta O lanzador de coitelos, obra de Fernando Castro Paredes.
A historia, enmarcada no xénero thriller, reflexiona sobre a memoria, a identidade e o control social.
No momento no que se deu a coñecer a resolución desta edición do premio, o xurado destacou a súa «elevadísima calidade literaria» e a capacidade de «atrapar o lector nunha atmosfera desacougante».
Salientou ademais que está estruturada como «un xogo metaliterario e de máscaras, no que se reivindica tamén a relación entre a arte e o fracaso».
Portada da nova publicación da Editorial Galaxia
