A Fiscalía confirma que existe unha orde de captura contra Evo Morales por trata de persoas
A policía boliviana non puido executala por descoñecer o domicilio do expresidente e pola conflitividade ocasionada polos bloqueos de estradas que os seus seguidores efectuaron no centro do país
O expresidente de Bolivia Evo Morales/Arquivo
A fiscal departamental de Tarija, Sandra Gutiérrez, confirmou este luns a existencia dunha orde de aprehensión contra o expresidente de Bolivia Evo Morales (2006-2019). Foi emitida o 16 de outubro polo delito de trata de persoas, confirmou.
Gutiérrez indicou a medios de comunicación que existe esa orde para capturar a Morales desde outubro, pero que a policía boliviana non puido executala por varias razóns, como descoñecer o domicilio do expresidente e a conflitividade ocasionada polos bloqueos de estradas que os seus seguidores efectuaron no centro do país durante 24 días.
"Hoxe presentamos unha imputación formal contra o señor Evo Morales Aima e a señora Idelsa Pozo Saavedra polo delito de trata de persoas agravado (...), estamos á espera de que o xuíz cautelar sinale a data e hora para que leve a cabo a audiencia de medidas cautelares", informou Guitiérrez.
