Fin de semana literario en Ferrol coa celebración da Feira do Libro
As librarías destacan a gran afluencia de público na primeira xornada da feira
Están organizados encontros con autores, sinatura e presentación de libros e actividades infantís
Ambiente animado nas casetas da Feira do Libro de Ferrol, a primeira do calendario de feiras de Galicia.
"A xente está a acercarse a todas as casetas e é bonito que tamén veñen os nenos cos pais", di Antonio Martínez da Libraría Day de Narón.
"Nótase moitisimo que a xente ten ganas de ler e está a sorprenderme que están a levar libros de gran calidade literaria", engade Alberto Pena da Libraría Estraviz.
As librarías saen á rúa e amosan a oferta literaria do momento. Novidades e tamén publicacións especializadas.
"Nós somos unha libraría especializada. Temos bastante material de manga e tamén cómic europeo e infantil", explica Ana Fernández da Libraría Metrópolis.
Din desde as librarías que aínda se mantén o interese polo libro que agromou na pandemia.
"O ano pasado a xente tiña moitas ganas de ler, de saír, de viaxar a través dos libros e notouse un ambiente moi bo, e este ano creo que seguimos nese ambiente", di Antón Pedreira, da Libraría Pedreira de Santiago.
Este sábado, día do libro, é a festa das librarías mais a feira estará aberta ata o domingo.
