Ferrol celebra a súa Noite das Pepitas, con máis de cen anos de historia

Ferrol faise canción na véspera de San Xosé, na súa Noite das Pepitas. As bandurras e os laúdes volveron resoar nas rúas.  

Pero antes, como sucede cada ano, celebrouse o acto institucional no Teatro Jofre para renderlles homenaxe ás madriñas das rondallas e renovar a relación de irmandade coa localidade portuguesa de Vila do Conde, que cumpre cincuenta anos.

Once agrupacións animaron a noite ferrolá nesta celebración con máis de cen anos de historia que desde hai dez está considerada Festa de Interese Turístico de Galicia.