Ferido o tripulante dunha dorna tras colidir cun pesqueiro en Cambados
O accidente aconteceu na entrada da ría
Segundo a Garda Civil, o pesqueiro pasou por riba da dorna causándolle feridas ao tripulante, un varón de 60 anos
Accidente marítimo en Cambados. Unha dorna chocou contra un pesqueiro á entrada da ría contra as 10:09 da mañá deste mércores por causas que se descoñecen. Segundo AXEGA, o tripulante da embarcación máis pequena resultou ferido tras recibir o impacto do buque.
O ferido, un varón de 60 anos, foi trasladado ao porto de Tragove e, posteriormente, evacuado en ambulancia ao Hospital do Salnés. Pola gravidade das feridas foi preciso o seu traslado ao hospital de Montecelo, en Pontevedra.
#AXEGAInforma dun accidente marítimo
— 112 Galicia (@112Galicia) May 13, 2026
📍Canal de entrada a #Cambados
▶️Choque entre barco pesqueiro e dorna
▶️O tripulante da embarcación máis pequena resultou ferido
🚨Urxencias Sanitarias de Galicia-061, @salvamentogob, @guardiacivil, Policía Local de Cambados pic.twitter.com/rJwVqTXM47
Ata o lugar do sinistro trasladáronse efectivos da urxencias sanitarias do 061, a Policía Local de Cambados e a Garda Civil.
.png)
