Feijóo propón reformar o suplicatorio para que ningún aforado do Congreso "esquive a xustiza"
O presidente dos populares clausurou na Coruña a Interpalamentaria do partido
O líder do PP, Alberto Núñez Feijóo, anunciou este domingo que propoñerá unha reforma do suplicatorio para que non poida traducirse en que os políticos o usen para librarse da xustiza.
"A historia non amnistiará ao sanchismo e o meu Goberno tampouco", afirmou na clausura da 28ª reunión Interparlamentaria que celebrou o PP esta fin de semana na Coruña.
Ningún político, engadiu, pode ter dereito a usar o suplicatorio para librarse da xustiza nin "asegurarse a impunidade".
Segundo fontes do PP, o seu obxectivo é reformar a lei para blindar a capacidade da xustiza de investigar os posibles delitos de calquera español "por moi presidente do Goberno que sexa".
Con esta reforma, o Congreso manterá a capacidade de negar un suplicatorio pero a causa non quedará sobreseída de maneira definitiva polo que cando ese aforado deixe a acta "a causa estaralle a esperar".
