Feijóo promete quitar o pagamento do IVE aos autónomos que facturen menos de 85.000 euros ao ano
Feijóo di diante dos autónomos de Soria que para o seu goberno serán prioritarios os traballadores por conta propia
IVE: “De catro declaracións a unha. Eliminaremos toda a burocracia innecesaria”, sinalou o líder do PP
O líder do PP, Alberto Núñez Feijóo, reuniuse este sábado en Soria con autónomos para "escoitar" as súas propostas e denunciar o "sabrazo" que, ao seu xuízo, pretende o Goberno de Pedro Sánchez coa proposta para elevar a cota a este colectivo a partir de 2026, segundo indicaron a Europa Press fontes do partido.
En Soria, este sábado, acompañado do presidente da Comunidade de Castela e León, Feijóo entregouse cos autónomos e, amais de sacarlles o IVE aos que menos facturen, tamén se comprometeu, se chega a presidente do Goberno do Estado, a que os traballadores por conta propia só teñan que declarar o imposto sobre o valor engadido unha vez ao ano.
“De catro declaracións a unha. Eliminaremos toda a burocracia innecesaria”, sinalou o líder do PP.
Con esta proposta, Feijóo explicou que pretende aumentar os beneficios deste segmento dos autónomos.
O líder do PP insistiu para rematar que o seu Goberno vai considerar os autónomos traballadores prioritarios.
"A miña mensaxe é sinxela. En España ten que valer a pena traballar", salientou.
Concluíu dicindo Feijóo que "España é un país caro para os traballadores e barato para a 'jeta'"
No Congreso, tanto o PP coma outros grupos parlamentarios rexeitaron a proposta que o Goberno elevou este luns ás organizacións de autónomos e sindicais, que recolle subas de cotas de maneira progresiva para os autónomos no período 2026-2031 e que na práctica supoñería que unha persoa con ingresos de 670 euros pagaría unha cota de 217 euros.
