Publicador de contidos

Feijóo elixe a alcaldesa de Xerez da Fronteira, María José García-Pelayo, para a presidencia da FEMP

Feijóo elixe a alcaldesa de Xerez da Fronteira, María José García-Pelayo, para a presidencia da FEMP

Someterase á votación do pleno da FEMP deste sábado para converterse na súa nova presidenta, substituíndo así o socialista galego Abel Caballero

G24.gal 22/09/2023 13:59

O líder do PP, Alberto Núñez Feijóo, escolleu a actual alcaldesa de Xerez da Fronteira, Cádiz, María José García-Pelayo, para converterse na nova presidenta da Federación Española de Municipios e Provincias (FEMP) a partir deste sábado.

Segundo informaron fontes do PP, María José García-Pelayo someterase á votación do pleno da FEMP deste sábado para converterse na súa nova presidenta, substituíndo así o socialista Abel Caballero.

Desta maneira, o líder do PP descartou colocar neste posto a unha alcaldesa dunha capital de provincia e decidiu optar por un perfil andaluz para presidir a organización municipalista, despois dos resultados conseguidos pola federación liderada por Juanma Moreno no 28M.

García-Pelayo obtivo a maioría absoluta o pasado 28M na alcaldía de Xerez da Fronteira, onde volveu conseguir o caxato de mando tras ser xa alcaldesa en dúas etapas anteriores, entre 2003 e 2005 e 2011 e 2015.

A alcaldesa de Xerez, María José García-Pelayo, xunto a membros do Goberno municipal. Web do Concello A alcaldesa de Xerez, María José García-Pelayo, xunto a membros do Goberno municipal. Web do Concello

Foi elixida senadora no 23X

Nas eleccións do 23X, García-Pelayo conseguiu un escano no Senado e xurou o seu cargo na Constitución das Cortes o pasado mes de agosto. Con anterioridade, tamén estivo na cámara alta durante os anos 2011 e 2015.

Foi concelleira do Concello de Xerez desde 1995 ata 2019, deputada provincial e portavoz do Grupo Popular na Deputación na lexislatura 1999-2003, vicepresidenta do Parlamento Andaluz (2008-2011) e deputada autonómica.

Deputada no Congreso nas lexislaturas XI, XII, XIII e XIV, chegou a ocupar a vicepresidencia da Comisión de Agricultura e foi vogal das comisións de Igualdade, Defensa e portavoz da de Cultura.

É presidenta local do PP de Xerez da Fronteira. Presidenta do PP de Cádiz entre 1999 e 2004, formou parte do Comité Executivo Nacional, Rexional e Provincial.
 

Ademais, Feijóo escolleu a alcaldesa de Santander, Gema Igual, para ocupar a vicepresidencia da federación municipalista, mentres que as portavocías ocuparanas as alcaldesas de Valencia e Zaragoza, María José Catalá e Natalia Chueca, respectivamente.

Precisamente, unha das alcaldesas que finalmente acabarán ocupando a portavocía, Natalia Chueca, postulouse publicamente esta semana para acabar presidindo a federación municipalista.

Os membros da Xunta de Goberno da FEMP e do Consello Territorial non perciben retribución ou compensación algunha por desempeñar o seu cargo e págaselles o custo de trasladarse ás reunións.
 

Publicidade
Publicidade
Publicidade
Publicidade
Pódeche interesar

Publicador de contidos

Publicador de contidos