Feijóo esixe a Sánchez que se "renda" ante a democracia na manifestación contra as políticas do Goberno

O presidente do PP, Alberto Núñez Feijóo, logra unha participación multitudinaria na protesta deste domingo na  praza de España de Madrid contra as políticas do Goberno de Pedro Sánchez.  A de este domingo é a sexta manifestación que convoca contra o Goberno de Pedro Sánchez nos últimos dous anos e a primeira coa corrupción como eixo, xa que a amnistía motivou as cinco anteriores.

A manifestación ten como lema "Mafia ou democracia" e o presidente do PP fixera un chamamento a secundala para que prenda unha "rebelión cívica" contra a demolición "premeditada" do Estado de dereito que, ao seu xuízo, pretende realizar a dirección do PSOE.

Segundo o líder do PP, Sánchez "non urdiu só unha trama de corrupción", senón dúas, a outra "para tentar tapalo con chantaxes e ameazas mafiosas", en referencia á presunta "guerra sucia" dos socialistas contra a UCO.

Diante de miles de manifestantes, Alberto Núñez Feijóo, dixo estar listo para substituir ao presidente:

"España está preparada e eu estou listo. Só falta que Sánchez atope a coraxe para poñer as urnas e preguntar aos españois", dixo Feijóo.

No seu discurso diante dos manifestantes, o lider popular tamén lle esixiu a Sánchez que se "renda" ante a democracia.

 

"Réndase á democracia. Convoque eleccións, querémolas xa, porque ninguén lle votou para isto", clamou Feijóo

No discursotamñen se mostrou disposto a "liderar a revolución da decencia e a liberdade" e no que foi aclamado reiteradamente entre berros de "Sánchez, dimisión".

Canda  Feijóo interviron desde a tribuna a presidenta da Comunidade de Madrid, Isabel Díaz Ayuso, e o alcalde da capital, José Luis Martínez-Almeida.

Feijóo estivo arroupado nesta manifestación polos líderes populares autonómicos e tamén polos expresidentes José María Aznar e Mariano Rajoy.

As delegacións provinciais do PP fretaron autobuses para miles de militantes simpatizantes doutras comunidades

As delegacións territoriais do PP fretaron autobuses para que miles de militantes e simpatizantes do partido doutras comunidades autónomas  se manifesten cos madrileños.

Feijóo convocou a primeira manifestación contra Sánchez en setembro de 2023: as outras manifestacións

Feijóo está á fronte do PP desde abril de 2022 e convocou a primeira protesta contra o Goberno de Sánchez en setembro de 2023, cando o líder socialista gobernaba en funcións e negociaba un acordo parlamentario con Junts, que congregou a 40.000 persoas segundo a Delegación do Goberno e 60.000 segundo o partido.

Máis numerosa foi outra manifestación contra a amnistía en novembro dese ano, na Porta do Sol, na que o PP convocou xunto a outros partidos, como Vox, mentres foi bastante menos secundada a terceira, en decembro, no templo de Debod.

No mesmo escenario que hoxe, na praza de España, tivo lugar a cuarta manifestación, tamén contra a amnistía, cando faltaban dous días para a súa primeira votación no Congreso, o 28 de xaneiro de 2024, con 45.000 participantes segundo a Delegación, que o partido elevou a 70.000, nun día asollado de inverno.

O 26 de maio de 2024 foi a quinta manifestación. Ista con menos paticipación foi na porta de Alcalá, en vésperas da aprobación definitiva da amnistía tras pasar a lei polo Senado; polo tanto hai máis dun ano que Feijóo non participa nunha manifestación contra o Goberno convocada polo PP.