Cargando resultados...
Falece un mozo de 24 anos nun accidente de moto en Vigo
Os servizos médicos chegados ao lugar tentaron reanimalo, pero xa non puideron facer nada por salvarlle a vida
G24.gal
16/12/2021 14:56
Un mozo de 24 anos faleceu este xoves en Vigo nun accidente de tráfico ao chocar na súa motocicleta contra un turismo.
O accidente tivo lugar na avenida do Aeroporto, na parroquia de Cabral, ás 8:10 da mañá. Un particular advertiu do sinistro ao 112, que puxo os feitos en coñecemento de Urxencias Sanitarias 061, os Bombeiros de Vigo, a Policía Local e Protección Civil.
Os servizos médicos chegados ao lugar tentaron reanimalo pero xa non puideron facer nada por salvarlle a vida. A Policía Local, que enviou un equipo de atestados, investiga as circunstancias do suceso.
