Falece o deseñador de moda italiano Roberto Cavalli aos 83 anos

O deseñador de moda italiano Roberto Cavalli faleceu este venres en Florencia aos 83 anos de idade tras unha longa enfermidade pola cal o seu estado de saúde empeorara nas últimas semanas, segundo informa A Reppublica.

Cavalli comezou a dedicarse á moda desde moi nova e en 1970 creou a súa propia marca que destacaba pola creatividade e que tivo un grande impacto nas pasarelas máis prestixiosas do mundo.

O deseñador facía grande uso das peles e dos bordados e destacaba polos seus vestidos longos, con transparencias e vistosos escotes que marcaron unha longa tempada a moda internacional. O deseñador vendeu a marca en 2015 cando se retirou á vida privada.

Ademais, foi o fundador da liña Just Cavalli en 1998 e da división Roberto Cavalli Home, que foi presentada no Salone do Mobile en 2012. Roberto Cavalli naceu en Florencia e deixa seis fillos, un deles de tan só un ano de idade e á súa parella durante os últimos 15 anos, Sandra Nilsson.