Facenda gañará 164 millóns polo sorteo da lotaría de Nadal
Os premios de máis de 40.000 euros tributan un 20 %, os demais están exentos
Facenda fai a retención de forma automática ao cobrar o décimo premiado
164 millóns de euros, sete máis ca o ano pasado. Ese é o aguinaldo que levará a Axencia Tributaria co sorteo de Nadal.
O tributo, do 20 %, só se desconta nos premios de máis de 40.000 euros, é dicir, págano os afortunados que teñan décimos dos 3 primeiros premios. Así que, se gañan o Gordo, non cobrarán os 4000.000 euros, senón 328.000.
"Cando vas cobrar ao banco entregas o décimo e eles automáticamente coa aplicación que teñen xa descontan o imposto, non hai que pagalo aparte", explica Josefa Carvajal, traballadora da administración número 7 de Santiago.
Como a retención vai incluída, os afortunados non terán que contabilizar o premio na vindeira declaración da renda. Cousa distinta son os rendementos e os intereses bancarios que xeren esas cantidades, que si deben notificarse o ano que vén.
