A chuvia e o vento azoutan con especial forza Cáceres e Badaxoz

A borrasca Beatrice deixa tamén incidencias noutras comunidades. É o caso de Estremadura, onde a intensa chuvia deixou rúas totalmente anegadas. O centro histórico de Cáceres parecía un torrente coa auga correndo en cadoiro polas escaleiras.

Imaxes similares tamén en Badaxoz, onde o vento levantou tellados e placas, que caeron sobre os vehículos e deixaron estragos importantes. Afortunadamente os danos son só materiais.

Beatrice deixouse sentir tamén en Madrid, onde o vento e a chuvia provocou numerosas incidencias.