Extinguido o incendio de Monfero e controlado o de Ourol
O lume da Coruña queimou 38 hectáreas, mentres o de Lugo afecta unhas 30
Europa Press - Arquivo
O incendio forestal declarado o mércores en Monfero (A Coruña), que tamén afectou ao municipio lucense de Guitiriz, quedou extinguido este xoves á noite tras queimar un total de 38 hectáreas, segundo informou a Consellería do Medio Rural.
Na extinción do lume participaron dous técnicos, 16 axentes, 20 brigadas, 16 motobombas, catro helicópteros e catro avións. A maior parte da superfiice afectada corresponde a monte raso e localízase no termo municipal de Guitiriz.
O incendio declarado en Ourol (Lugo) continúa controlado desde o xoves ao mediodía. As últimas estimacións sitúan a superficie afectada en arredor de 30 hectáreas. Nos labores de extinción mobilizáronse dous técnicos, once axentes, 22 brigadas, tres helicópteros e dous avións.
