Evacúan en helicóptero un operario ferido ao caerlle enriba unha árbore en Oza-Cesuras

Evacúan un operario en helicóptero ao hospital despois de caerlle enriba unha árbore mentres traballaba na parroquia de Cutián, no municipio coruñés de Oza-Cesuras.

O aviso produciuse pouco antes das 12:30 horas, cando un compañeiro alertou de que o home quedara atrapado baixo unha árbore, aínda que lograran retirala, e precisaba atención sanitaria urxente.

O 112 solicitou a intervención de Urxencias Sanitarias de Galicia-061, da Garda Civil e do GES de Curtis.

O servizo sanitario mobilizou o helicóptero medicalizado con base en Santiago, que trasladou ao ferido ao Complexo Hospitalario Universitario da Coruña (CHUAC).