Evacúan 170 pasaxeiros tras incendiarse o último vagón do tren entre Sevilla e Cáceres
O incidente sucedeu entre as localidades sevillanas de Cazalla e Guadalcanal sen danos persoais
Os pasaxeiros evacuados no medio do campo tras baixar do tren/RRSS
Un total de 170 pasaxeiros dun tren tiveron que ser evacuados este sábado ao arder o vagón de cola mentres circulaba polo municipio sevillano de Alanís, segundo informou o servizo Emerxencias 112 Andalucía.
O sinistro, do que alertou Adif ao centro de coordinación sobre as 18:50 horas, produciuse por un incendio no vagón de cola e nos motores da zona traseira do mesmo.
O tren, que realizaba a liña Sevilla-Cáceres, tivo que deter a marcha no quilómetro 148,100 entre Alanís e Cazalla. O persoal técnico procedeu a evacuar os 170 pasaxeiros, entre os que había 144 nenos de entre 6 e 8 anos de idade, sen que ningún sufrise feridas. A maioría das prazas do tren ocupábanas pais e nenos dun colexio de Zafra que regresaban dunha excursión.
No lugar interviñeron efectivos dos Bombeiros da Deputación de Sevilla na extinción e o control do lume, xunto con axentes da Garda Civil e os servizos sanitarios en prevención.
Adif comunicou que ás 23:19 horas do sábado quedou normalizada a circulación férrea e procedeu á desactivación do seu plan de emerxencia.
.png)
