Evacuado ao hospital o condutor dun camión que se foi da vía en Taboada

Un camión cargado con leite foise da vía na estrada 540, á altura do témino municipal de Taboada. 

O condutor, que non sufriu feridas de gravidade, foi evacuado ao Hospital Universitario Lucus Augusti de Lugo.

Non houbo máis vehículos implicados. O accidente ocorreu nun treito en baixada con varias curvas.

Cando tivo lugar chovía na zona, o que puido incidir no sinistro. A circulación viuse afectada lixeiramente, xa que o camión quedou cruzado sobre a estrada, coa cabina fóra da vía e a carga cortando un dos treitos da estrada.

A Garda Civil de Tráfico ocupouse de sinalizar o lugar antes de que retirasen o vehículo pesado da vía.