Estados Unidos abre fronteiras a turistas internacionais que teñan a pauta completa e unha proba negativa

Dende hoxe, os Estados Unidos abren as súas fronteiras para os turistas internacionais. Os viaxeiros poderán entrar no país co carné completo de vacinación e unha proba negativa, realizada, máximo, 72 horas antes da viaxe.

Despois de 20 meses xa se pode cruzar o Atlántico para facer turismo nos Estados Unidos. Están admitidos cidadáns de 33 países, entre eles España.

As vacinas aceptadas son todas as autorizadas pola OMS. Para os menores de entre 2 e 17 anos  só é preciso a proba negativa de covid, realizada un día antes da viaxe.

Os menores de 2 anos quedan exentos tanto de test como de proba. A apertura de fronteiras prodúcese co 70 % dos estadounidenses adultos vacinados.