España supera os 7 millóns de contaxios desde o inicio da pandemia
A pesar de superar hoxe outro récord de contaxios, algunhas comunidades comezan a baixar a súa incidencia
Aumenta a presión asistencial tanto en UCI como en planta
Baixou tamén a taxa de mortalidade dun 1,7 % a un 1,3 %
.png)
España superou os 7 millóns de contaxiados de coronavirus, dos cales 1.289.952 foron notificados nas últimas dúas semanas, o que eleva a incidencia en 148 puntos, ata chegar aos 2722 casos.
En pleno ascenso da sexta vaga, e aínda sen que o número de contaxios toque teito, España alcanzou os 7.164.906 cidadáns que contraeron a enfermidade da covid-19 que provoca o coronavirus, segundo datos do Ministerio de Sanidade, que apuntan tamén a que, dese total, 618.696 foron contaxios na última semana.
Consignáronse desde o mércores, último día no que Sanidade publicou datos sobre a pandemia, 97 falecidos (331 na última semana), mentres que a taxa de mortalidade sitúase o 1,3 %, fronte ao 1,7 % de hai máis un mes.
Hai dúas semanas, a media nacional de ocupación de pacientes nas unidades de coidados intensivos atopábase no 16,2 %, con 1.515 ingresados, e agora no 22, %, cun total de 2.010 enfermos. En planta era do 6,4 %, con 7.924 pacientes, e pasou ao 11,7 %, con 12.370. ingresos.
