España é o país europeo con máis solicitudes de asilo: máis de 76.000 no primeiro semestre

España pasa a ser o país de Europa con máis solicitudes de asilo en 2025, e desbanca deste xeito a Alemaña.  

Segundo un informe da Axencia de Asilo da UE, no primeiro semestre do ano en España rexistráronse 76.020 solicitudes de protección, unha cifra récord desde que se teñen rexistros.

A ruta canaria confírmase como un dos corredores máis letais polo número de falecidos no mar ao intentar chegar ás costas españolas. O segundo país con máis solicitudes é Francia, con preto de 75.500 peticións.