Estrélase sen superviventes unha avioneta que voou por riba de Washington

Nos Estados Unidos, unha avioneta estrelouse en Virxinia e ningún dos seus catro ocupantes sobreviviu ao sinistro.

O caso é que o rechamante e inexplicable xiro na ruta que fixo a nave acendeu todas as alarmas, porque supuxo que sobrevoara sen autorización e por sorpresa o espazo aéreo máis restrinxido do país, o da capital, Washington. Así que, ante a falta de resposta da avioneta, o exército mandou un caza e escoitouse unha forte explosión, amplamente comentada nas redes sociais.