Escolares de Oleiros practican como actuar ante un parada cardiorrespiratoria

"Este tipo de manobras que imos aprender hoxe, en teoría, terían que estar no currículo escolar de primaria e de secundaria. E, realmente, en toda a nosa vida. Son manobras que temos que aprender e ir repasando para poder aplicar cando sexa necesario", di Azucena Prieto, que está á fronte dun grupo de persoal médico desenvolvendo con escolares en Oleiros o procedemento de primeiros auxilios en reanimación cardiopulmonar e outras accións que poden salvar a vida a alguén que, de súpeto, sofre unha interrupción da respiración e da circulación.

María Dolores Silva Directora do CEIP Parga Pondal de Oleiros di que "a experiencia está sendo moi boa. É a primeira vez que temos este proxecto no centro".

O manexo do desfibrilador tamén foi obxecto de práctica. Os destinatarios destes talleres, alumnos de quinto e sexto seguiron con moito interese estas leccións para a vida."Paréceme xenial, porque é unha maneira de salvar vidas", di Irene, de sexto curso, que participa no taller.

A realización da manobra de Heimlich, que salva tantos de atragoarse, completou a sesión experimental co moneco. Brais contaba que xa viña con algo aprendido: "A min xa me gustaba moito antes ver debuxos de médicos e xa a sei desde fai moito".

Todo isto porque estamos no Día Mundial da Medicina de Urxencia, para o que pedimos axuda cunha chamada ao teléfono 061.

Azucena Prieto Zapico , médico de urxencias afirma que "en Galicia o 061 ten os mellores tempos de asistencia nunha urxencia. E cando dicimos 112 é porque é tamén o número internacional en caso de urxencia".