Envían a prisión o acusado de romperlle o cranio a outro home en Ribeira

Prisión preventiva para o acusado de romperlle o cranio a outro home durante unha pelexa nun edificio ocupado de Ribeira.

A xuíza considera o arrestado, un veciño de Rianxo duns 30 anos, culpable de homicidio en grao de tentativa. Segundo as primeiras investigacións, ambos os individuos mantiveron unha discusión polo roubo dunha carteira. Un deles acabou golpeando ao outro na cabeza cun obxecto contundente.

A vítima permanece ingresada en coidados intensivos, no hospital clínico de Santiago.