Encher o tanque do coche sae un 20 % máis caro que en xaneiro
O gasóleo segue por riba da gasolina e xa se paga a 1,68 €/litro
A gasolina subiu un 4,6 % no que vai de ano
Dende comezos de xaneiro o prezo da gasolina subiu un 4,6 % e o do gasóleo un 2,7. A iso hai que engadirlle a supresión da bonificación de 20 céntimos por litro. Así, recargar nas estacións de servizo sae un 20 % máis caro ca hai dous meses.
A media en España é de 90 euros os 55 litros de gasolina e 93 os de gasóleo. Un novo esforzo económico para os usuarios.
O gasóleo leva un ano cunha suba sostida e xa acumula meses a un prezo por riba do da gasolina. O custo de produción e a dependencia do gasóleo ruso están detrás dese incremento que fai que estea uns 27 euros máis caro que hai un ano e cunha cotización entre 5 e 8 céntimos superior á da gasolina.
A parte positiva é que os prezos base dos combustibles se manteñen por baixo da media dos países da eurozona.
