En liberdade con cargos un home investigado por agresión sexual a unha menor en Cambados

En Cambados, un home quedou en liberdade con cargos, pendente de acudir ao Xulgado, tras ser investigado por unha denuncia de  agresión sexual a unha menor durante a Festa do Albariño.

Segundo informan a EFE fontes da investigación, a moza, menor de 16 anos, presentou, en compañía da súa proxenitora, unha denuncia por unha agresión sexual que se produciu, supostamente, o venres pola noite.

Tras a denuncia, a Garda Civil tomoulle declaración ao home e abriu dilixencias para investigar ao sospeitoso.

O home investigado ten domicilio na localidade pontevedresa. De acordo coas mesmas fontes, quedou en liberdade con cargos pendente de acudir ao Xulgado cando sexa requirido.