En Asturias mantense a recomendación de usar máscara en interiores polo nivel alto de contaxios
A iniciativa pretende evitar que aumenten os casos, xusto na semana en que deixou de ser obrigatoria
En Cantabria tamén se aconsella facer uso desta medida de precaución
Visitamos a comunidade asturiana e comprobamos que a máscara continúa sendo un complemento habitual.
Predominan os que usan a máscara sempre, tanto na rúa coma en interiores.
En Asturias o nivel de risco é alto e o Principado xa tratou co Ministerio de Sanidade varias medidas, como a realización de probas diagnósticas e o illamento para os positivos.
Só no exterior se ven caras libres de máscaras.
Cuestión de posibilidades e de fronteiras, porque en Galicia poñer a máscara é unha decisión persoal, mentres que en Asturias é recomendable en interiores.
Unha medida de precaución que tamén afecta a Cantabria, que igualmente recomenda usar a máscara a pesar de que o Goberno central non establece a obrigatoriedade.
