Doutor Cota: "Chegas cunha chamada á selección e marchas cunha chamada"
Cota, moi querido por todos os xogadores que pasaron pola selección, pon fin a unha traxectoria de 23 anos
Comunicoullo Albert Luque nunha chamada telefónica
O doutor estradense Juan José Cota non continuará na selección española de fútbol. Cota, moi querido por todos os xogadores que pasaron pola selección, pon fin a unha traxectoria de 23 anos. Estivo nos últimos catro mundiais, incluído o do triunfo en Suráfrica, e nos éxitos de España na Eurocopa de 2008 e 2012. Comunicoullo por teléfono Albert Luque:
"Non houbo unha explicación. Foi unha conversa curta. Estiman que é o máis conveniente para todos"
"Chegas cunha chamada e marchas cunha chamada"
"Quedo con toda a xente"
O doutor Cota seguirá á fronte dos servizos médicos do Celta, onde leva desde o ano 2008, cando substituíu a Mario Galán. Daquela xa estaba relacionado coa selección española, na que exercía de médico da sub-21.
