Dous detidos por atracar cun coitelo unha froitería de Vilagarcía

Dous atracadores, un home e unha muller, entraron na tarde do martes nunha froitería de Vilagarcía e puxéronlle un coitelo no pescozo mentres collían os cartos da caixa. Logo fuxiron, pero por sorte, deron con eles e están detidos. O medo que pasou Susana, a dependenta, vai tardar tempo en pasar.

Entraron por esta porta, ían encapuchados e cun coitelo na man. Ao chegar ao mostrador e, salvando unhas catro persoas que había nese momento na froiteiría, colleron a dependenta e puxéronlle un coitelo no pescozo pedindo os cartos. 

Foi moi rápido, cuestión de poucos minutos. Co botín na man e xa cerca da saída tiraron as moedas e fuxiron. Aínda co susto no corpo Susana contou todo o acontecido á Policía Científica. Os ladróns levaron finalmente uns catrocentos euros.

Na fuxida, un veciño que estaba cerca da froiteiría perseguiunos en patinete. Grazas a el e xa sen os puchos a Policía Local localizounos e detívoos na estación de autobuses e pasaron a noite no calabozo.