Detido un veciño de Mazaricos como suposto autor dun incendio forestal
Unha vez coñecida a identidade do responsable, a Garda Civil procedeu á súa detención como suposto autor dun delito de incendio forestal por neglixencia grave
Garda Civil/Ministerio do Interior
O Servizo de Protección da Natureza (Seprona) de Corcubión detivo a un home como suposto autor dun delito de incendio forestal.
A Garda Civil informou este martes de que as accións se desenvolveron por mor do incendio ocorrido o 6 de agosto na localidade de Prudenza no termo municipal de Zas, lume que se reproduciu o día 9 do mesmo mes debido ás condicións meteorolóxicas na zona.
Iniciouse así unha investigación para esclarecer a causas do mesmo e a identificación do autor ou autores.
Os gardas civís pescudaron que se estiveron realizando labores agrícolas con maquinaria na leira en que os investigadores situaran o punto de inicio do incendio.
Unha vez localizada a maquinaria que realizou ditas labores, procederon á inspección ocular da mesma, constatando que carecía de elementos de retención de faíscas estipulados na lexislación vixente para a prevención e defensa contra os incendios forestais.
Unha vez coñecida a identidade do responsable, a Garda Civil procedeu á súa detención como suposto autor dun delito de incendio forestal por neglixencia grave.
