Detido un home acusado de picar as rodas de máis dunha ducia de vehículos en Carballo

Un home foi detido na tarde do luns acusado de picar as rodas de máis dunha ducia de vehículos que permanecían estacionados na avenida de Fisterra do concello coruñés de Carballo.

O home ten ademais unha orde de afastamento por violencia machista

Os feitos que se lle atribúen ocorreron na noite do pasado venres.

Aínda que algún dos turismos tiña só unha roda afectada debido á incisión de obxectos tipo cravos, un dos vehículos tiña as catro picadas.

Ata o lugar desprazouse nun primeiro momento a Policía Local.

Tras iso, a Garda Civil fíxose cargo da investigación.