Detido en Vigo un home tras apuñalar a outro cun coitelo no barrio de Coia

Axentes da Policía Nacional e local de Vigo detiveron a un home que acababa de acoitelar a outro no barrio vigués de Coia.

Os axentes acudiron cara ás dúas da madrugada ao parque da Bouza para asistir a un home de mediana idade que sangraba abundantemente polo costado esquerdo.

A vítima foi trasladada ao hospital con prognóstico grave e, mentres esperaba á ambulancia, relatou o sucedido aos axentes.

Contou que se atopaba coa súa parella no parque e estableceron conversación cun home ao que non coñecían e co que acabaron discutindo. A discusión derivou en pelexa e o descoñecido, tras abandonar momentaneamente o lugar, regresou con outras tres persoas e xuntos agrediron á parella.

O detido asestou unha puñalada á vítima e os catro agresores abandonaron o lugar. Grazas á minuciosa descrición achegada pola vítima e a súa parella, os axentes localizaron a escasos metros do parque a unha persoa que presentaba feridas e coincidía plenamente coas características descritas.

Tamén acharon preto del, sobre o céspede, un coitelo con restos de sangue, co que feriría á vítima. Os axentes procederon a deterlle por un delito de tentativa de homicidio.