Deteñen unha persoa e investigan dúas máis por incidentes en Mos durante paso da Volta
As tres persoas identificadas pola Garda Civil están acusadas de presuntos delitos de desordes públicas, atentado e resistencia á autoridade
As protestas contra Israel e en favor de Palestina obrigaron a adiantar oito quilómetros o final da etapa 16 do Volta
Protesta en Mos durante a etapa da Volta (Europa Press/Adrián Lago)
A Garda Civil detivo unha persoa e investiga outras dúas polos incidentes ocorridos en Mos durante a décimo sexta etapa da Volta Ciclista a España.
A persoa detida, segundo puido confirmar EFE, é un veciño da localidade pontevedresa de Arcade, do mesmo xeito que unha das persoas investigadas, mentres que a outra é da cidade de Ourense.
A todos eles investígaselles como presuntos autores de delitos de desordes públicas, atentado e resistencia á autoridade.
Estas tres persoas participaron nas protestas contra Israel e a favor de Palestina que obrigaron a adiantar o final da etapa 16 do Volta oito quilómetros.
Entón producíronse algúns enfrontamentos entre as forzas da orde pública e algúns dos manifestantes que derivaron nesta detención e investigacións.
