Deteñen un home en Ferrol por disparar ao aire e levar o fillo tras unha discusion de parella
O rapaz, menor de idade, quedou a cargo da nai despois da intervención dos axentes da Policía Local
Inmoble da travesía Bazán en Ferrol onde sucederon os feitos
Axentes da Policía Local de Ferrol detiveron un home este sábado por efectuar disparos ao aire e levar da casa o seu fillo menor de idade despois dunha discusión de parella.
Os feitos sucederon contra as 06:30 horas da mañá na travesía Bazán. Despois dunha discusión de parella, o detido realizou varios disparos ao aire e marchou do domicilio co fillo menor de idade que teñen en común.
Ambos foron posteriormente localizados noutro domicilio do que o pai saíu de forma voluntaria para que a Policía Local procedese á súa detención. O menor quedou a cargo da súa nai, precisan as mesmas fontes.
Dáse a circunstancia de que este episodio de violencia machista coincidiu coas primeiras horas das festas da cidade, que comezaron este venres.
