Deteñen no hospital de Verín un home por tentativa de homicidio tras apuñalar 23 veces o seu veciño
O detido agrediu o dono da vivenda, un home de 65 anos, que recibiu 23 puñaladas e foi trasladado ao CHUO, Ourense, con prognóstico grave
Segundo ratificou o Tribunal Superior de Xustiza de Galicia (TSXG), está previsto que o detido pase a disposición xudicial este mércores
A Policía Xudicial da Garda Civil de Verín detivo este luns no hospital de Verín a un home de 63 anos como presunto autor dun delito de tentativa de homicidio tras apuñalar ata en 23 ocasións ao seu veciño.
A Garda Civil continúa investigando para esclarecer o ocorrido, á espera de poder comunicarse coa vítima que permanece en estado grave no Complexo Hospitalario Universitario de Ourense. E, segundo ratificou o Tribunal Superior de Xustiza de Galicia, está previsto que o detido pase a disposición xudicial este mércores.
Os feitos desenvolvéronse arredor das 16:00 horas deste luns nunha vivenda de Feilas, no concello ourensán de Vilardevós. Segundo fontes da Garda Civil, o detido explicou que el e a vítima, un home de 65 anos, "non se levaban ben" e que acudiu ao domicilio de este co propósito de cobrar unha débeda, e acabou asestándolle 23 puñaladas. Así mesmo, segundo informou a alcaldesa do municipio, Eva Gamote, consultada por Europa Press, a vítima era un veciño "de toda a vida", mentres que o detido mudouse desde Barcelona "hai uns anos". Este, que xa se atopa á disposición da Garda Civil, recibiu asistencia médica no hospital de Verín, por autolesionarse, supostamente, unha man.
