Deteñen catro veciñas de Lugo polo roubo de centos de metros de cable de cobre

A Garda Civil de Lugo investiga catro veciñas da cidade polo roubo de cable de cobre. Entraron no aeródromo de Rozas, que pertence a Defensa, tras romper o valado perimetral e levaron centos de metros de cable.

A Garda Civil vixiounas durante varios días e pilláronas na allada. Graváronas sacando o cable do recinto, arrastrándoo pola maleza. As detidas forman parte dunha organización especializada neste tipo de furtos e non era a primeira vez que roubaban cable de cobre.

Impútaselles o delito de furto, danos e pertenza a un grupo criminal. As dilixencias policiais xa foron remitidas á Autoridade Xudicial.