Publicador de contidos

Publicador de contidos

Desmantelan un laboratorio que fabricaba 10.000 pastillas de éxtase á hora

Desmantelan un laboratorio que fabricaba 10.000 pastillas de éxtase á hora

Unha máquina intervida permitía a elaboración das pastillas

Hai 35 persoas detidas e incautáronse de 158.00 pastillas de éxtase e de máis de 40.000 euros

G24.gal 28/05/2022 12:51 Última actualización 28/05/2022 13:02

Axentes da Policía Nacional localizaron na localidade murciana da Unión un laboratorio clandestino, no que se incautaron dunha máquina capaz de fabricar 10.000 pastillas de éxtase por hora. Tamén encontraron dúas impresoras 3D coas que confeccionaban os moldes e anagramas das mesmas.

A investigación comezou en 2021 e desenvolveuse en catro fases. Permitiu desmantelar unha organización criminal asentada no Levante e dedicada á elaboración, adulteración e posterior distribución de substancias estupefacientes de síntese.

A operación rematou coa detención de 35 persoas e a aprehensión de 158.00 pastillas de éxtase e máis de 40.000 euros.

Houbo diferentes rexistros nas sucesivas fases e caeu tamén o líder da banda delituosa, ademais de procederse á incautación de droga, cartos e vehículos.

 

Publicidade
Publicidade
Publicidade
Pódeche interesar