Desaloxado un pub de Vilagarcía de Arousa por un bote de fume

Un bote de fume nun pub de Vilagarcía de Arousa motivou esta madrugada a intervención dos bombeiros.

Sucedeu pouco despois das catro da mañá, no interior do pub Bianco, cando alguén activou un bote de fume. O establecemento desaloxouse sen que se rexistrasen incidentes.

Os Bombeiros do Salnés e efectivos do Servizo Municipal de Emerxencias trasladáronse ao lugar dos feitos para proceder á súa ventilación. Para daquela, todo o mundo estaba xa no exterior do local.