Denunciados dous condutores por carreiras ilegais no polígono das Gándaras, en Lugo

O polígono industrial das Gándaras, en Lugo, acolleu esta fin de semana carreiras ilegais de coches. Dous condutores están denunciados, un deles por condución temeraria e o outro por cometer unha infracción ao volante.

Estas "quedadas", convocadas a través das redes, veñen sendo habituais dende hai unha década. É unha práctica de alto risco, tanto para os condutores como para o público, xa que contemplan as carreiras desde as beirarrúas, sen ningún tipo de medida de seguridade e moi preto dos turismos que circulan pola calzada a unha velocidade excesiva. 

Veciños e comerciantes piden medidas antes de que pase algo grave.