David Rubín expón os seus cómics na Coruña ata finais de xaneiro

Iniciouse como apaixonado lector de cómics e hoxe en día é un dos autores de máis renome. Coñecidos son os seus traballos coas editoriais norteamericanas DC ou Marvel.

A mostra amosa máis de 200 obras. Un percorrido de 15 anos por toda a traxectoria profesional que permite achegarse ao proceso creativo de David Rubín.

No cómic non renuncia ao que máis lle interesa comunicar: as súas propias preocupacións. É unha exposición ampliada da que xa se puido ver en Ourense, cidade natal do ilustrador. Incorpora novas pezas e sistema de realidade aumentada con contido extra a través do móbil.