Dani Berdomás gaña o Rally de Noia e domina o Campionato Galego
O seu gran rival, Alberto Meira, saiu da pista no penúltimo treito despexando o camiño do coruñés
Completaron o podio Luis Vilariño e José Manuel Lamela
Dani Berdomás e Brais Mirón co seu Citroen C3 confírmanse como os dominadores do campionato galego de rallys. Gañaron o Rally de Noia, a segunda proba da temporada, por diante de Luis Vilariño e de José Manuel Lamela.
Ao igual que acontecera no rally do Cocido, Alberto Meira lideraba a proba cando saíu da pista no penúltimo treito da xornada e tivo que abandonar. Nese momento, so o separaban seis décimas de Dani Berdomás, que se fixo co liderado cunha boa renda sobre os seus rivais. Así que so tivo que mantela no último treito para proclamarse vencedor.
No segundo lugar do podio remataron Luis Vilariño e David Míguez, co seu Fabia R5, a 1:22". E ao terceiro subiron José Manuel Lamela e Unai Conde, que remataron a 1:31"
