Cristóbal agardará ao final do campionato para dar a resposta sobre a súa renovación
Cristóbal agardará ao final do campionato para dar a resposta sobre a súa renovación
O programa Ao contraataque da Radio Galega confirmou que ten a proposta enriba da mesa
O adestrador conta con outras opcións, pero valora moito a estabilidade do proxecto ferrolán
O Racing quere estabilidade no proxecto e iso pasa pola continuidade de Cristóbal Parralo. O técnico leva catro temporadas á fronte do cadro ferrolán, e o club agarda que acepte a proposta de renovación que ten enriba da mesa.
Cristóbal agardará ao final do campionato para comunicar a súa decisión. Despois do gran traballo que fixo en Ferrol ten moito cartel noutros equipos, igual ca varios dos xogadores racinguistas, pero o catalán valora as condicións de traballo que lle ofrece o Racing.
A tranquilidade que lle dá a directiva, a confianza da dirección deportiva, o apoio absoluto a cada unha das súas decisións... Algo que xa aconteceu con Quique Setién cando Carlos Mouriz ocupaba a dirección deportiva do Lugo e pretende conseguir con Cristóbal no Racing, pois veno como o adestrador ideal.
O reto é maiúsculo. Despois dos éxitos destas dúas últimas campañas (ascenso de Primeira RFEF e pelexar polo play off na Segunda División), o Racing terá que afrontar a renovación do seu cadro, con futbolistas moi cobizados.
