Coudet sobre o Celta: “Ten moi bos xogadores e un grande adestrador, que coñezo moi ben"
Ao técnico do Alavés gustaríalle ter máis puntos na clasificación
O adestrador do Deportivo Alavés, Eduardo Coudet, confesou este xoves que “as sensacións son mellores que a cantidade de puntos” que logrou o seu equipo ata o momento.
O arxentino apuntou en conferencia de prensa antes de medirse co Celta que lle gustaría ter máis puntos na clasificación.
“Sempre é importante gañar e, sobre todo, na casa, pero tamén o é non perder a esencia do xogo”, manifestou sobre a dinámica dos seus xogadores.
O Chacho medirase co Celta, un club que quere moito.
“Estou agradecido co club e á cidade e alégrome de que lle vaia ben”
“Ten moi bos xogadores e un grande adestrador, que coñezo moi ben, cunha idea moi definida”
“Ten moitos xogadores con gol. Son un equipo ofensivo e temos que complementarnos máis e para que cheguen os xogadores de segunda liña”, apuntou
