Conta atrás para o Black Friday

A loxística afronta un dos momentos de maior actividade do ano. Sábeno ben na estación que Amazon abriu hai pouco máis de dous meses no concello coruñés de Cambre, e que se suma á que xa leva un tempo funcionando no Porriño. Estacións coma esta son clave para o que se coñece como negocio de última milla, axilizando os tempos de entrega.

Corenta traballadores son os encargados de manipular os centos de paquetes que chegan ata aquí. E xa saben que nas próximas semanas o traballo se vai intensificar. De feito, calculan que o movemento que rexistra esta estación podería chegar a duplicarse, superando os 30.000 paquetes ao día.