Educación aproveita o verán para realizar obras en 364 centros escolares

A Xunta de Galicia vai destinar este verán 86,7 millóns de euros a realizar case 400 obras en 364 centros de educación pública de toda Galicia.

Segundo explicou Alfonso Rueda, á finalización da reunión semanal do Consello da Xunta, isto vai supor que practicamente se realicen intervencións nun de cada tres centros educativos.

"Aproveitamos sempre estes meses para realizar reformas", dixo Rueda, "algunhas son pequenas reformas, que o período estival é suficiente para poder rematalas, e no caso de grandes obras, aceleraranse os traballos, dado que durante o curso hai que compatibilziar o funcionamento do centro coas obras".