A Xunta comeza a tramitar os orzamentos centrados nos servizos sociais, a vivenda e o Xacobeo 2027

O Consello da Xunta aprobou este luns iniciar a tramitación dos orzamentos xerais da comunidade para o próximo ano 2027.

Segundo destacou o presidente da Xunta, Alfonso Rueda, esas contas púlicas terán como piares centrais os servizos sociais, co reforzo continuado da sanidade, o ensino e atención aos dependentes; seguir coas liñas estratéxicas en materia de vivenda; e para aproveitar a oportunidade da celebración dun novo ano Xacobeno en 2027.

Rueda volveu poñer en contraposición a estabilidade da Administración galega, que cada ano aproba as súas contas públicas "en tempo e forma", fronte ao Goberno central, que manten os seus presupostos prorrogados desde 2023.

O obxectivo, sinalou Rueda, é poder ter aprobados os orzamentos para que o 1 de xaneiro de 2027 xa estan en vigor.

Entre as prioridades desas contas o conselleiro de Facenda, Miguel Corgos, remarca tamén a modernización da economía galega.

Corgos tamén subliñou que "en tempos de incertezas", a Xunta quere pór "a estabilidade ao servicio dos cidadáns".

No calendario marcado a Xunta prevé aprobar o teito de gasto a finais de xullo e os orzamentos o 20 de outubro.